ਪਿੱਠ ਉੱਤੇ ਕੀਤਾ ਹੋਇਆ ਵਾਰ ਮਾਰ ਜਾਂਦਾ ਏ
ਬਹੁਤਾ ਜਿਆਦਾ ਕੀਤਾ ਇਤਬਾਰ ਮਾਰ ਜਾਂਦਾ ਏ
ਕਦੇ ਮਾਰ ਜਾਂਦਾ ਏ ਪਿਆਰ ਇੱਕ ਤਰਫ਼ਾ
ਕਦੇ ਦੇਰ ਨਾਲ ਕੀਤਾ ਇਜ਼ਹਾਰ ਮਾਰ ਜਾਂਦਾ ਏ
ਕੋਮਲ ਜਿਹਾ ਦਿਲ , ਸੱਟ ਕਿਵੇਂ ਝੱਲ ਹੋਵ
ੇਕੀਤਾ ਸੱਜਣਾਂ ਦਾ ਇੱਕੋ ਇਨਕਾਰ ਮਾਰ ਜਾਂਦਾ ਏ
ਕਦੇ ਕਿਸੇ ਮੋੜ ਉੱਤੇ ਆਪਣੇ ਵੀ ਸਾਥ ਛੱਡ ਜਾਂਦ
ੇਤੇ ਕਦੇ ਇਹ ਦੋਗਲਾ ਸੰਸਾਰ ਮਾਰ ਜਾਂਦਾ ਏ
ਬਹੁਤੀ ਵੀ ਨਹੀਂ ਅੱਤ ਚੱਕੀਦੀ ਸੱਜਣਾਂ ਓਏ
ਹੰਕਾਰੀ ਨੂੰ ਓਹਦਾ ਈ ਹੰਕਾਰ ਮਾਰ ਜਾਂਦਾ ਏ
ਜੇ ਵੇਲਾ ਰਹਿੰਦਿਆਂ ਸੰਭਾਲ ਲਓ ਤਾਂ ਚੰਗਾ ਏ
ਬਹੁਤਾ ਜਿਆਦਾ ਵੀ ਸੋਚ-ਵਿਚਾਰ ਮਾਰ ਜਾਂਦਾ ਏ
ਨਜ਼ਰਾਂ ਚੋਂ ਹੀ ਨਹੀਂ ਦਿਲ ਚੋਂ ਵੀ ਲਹਿ ਜਾਂਦਾ
ਜੇਹੜਾ ਸ਼ਖਸ ਕਦੇ ਕਰ ਯਾਰ-ਮਾਰ ਜਾਂਦਾ ਏ
ਜਿੱਤਾਂ ਹੀ ਜਿੱਤਾਂ ਹੋਣ ਜੀਹਦੇ ਇਤਿਹਾਸ ਵਿੱਚ
ਓਸ ਕੌਮ ਨੂੰ ਇੱਕੋ ਹੀ ਗੱਦਾਰ ਮਾਰ ਜਾਂਦਾ ਏ
ਆਪਣੇ ਵਿੱਚ ਕਦੇ "ਮੈਂ" ਨਾਂ ਆਉਣ ਦਿਓ
ਨਹੀਂ ਬੰਦੇ ਨੂੰ ਆਪਣਾ ਹੀ ਕਿਰਦਾਰ ਮਾਰ ਜਾਂਦਾ ਏ
No comments:
Post a Comment